Lima ka mga barangay sa ciudad sang Cadiz ang apektado man sang pagbinaha nga nagsugod kagab-i.Sa interview sang DYHB kay Mayor Salvador “Bading” Escalante Jr. bangud sang pag-overflow sang Sicaba river, ginbaha ang Barangay Sicaba mismo, Caduhaan, Burgos, Daga kag Mabini.
Suno sa alkalde, ang Brgy. Daga ang pinakamalala nga naapektuhan sa diin pila ka residente ang ginpa-evacuate na kagab-i apang wala nag-upod kag sini nga aga, pila sa ila ang nangayo na sang bulig.
Nagpadulong pa kuntani sa ciudad sang Victorias sanday Mayor Escalante kagab-i agud magbulig man sa rescue operations apang nagbalik ang mga ini bangud ila mismo pumuluyo ang kinahanglan naman nga buligan. Pila sa mga nabahaan ang gindala na sa Cadiz Arena sa diin natalana nga magbisita man si Mayor Escalante agud tsekyaron ang sitwasyon sang iya constituents.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
