Wala sang pagsaka sa presyo sang mga prime kag basic commodities sa subong nga ginamonitor sang Department of Trade and Industry indi kapareho sa mga agri-products kasubong sang karne sang baboy kag manok nga may pagsaka sa presyo.Ini ang kumpirmasyon ni DTI South Cotabato OIC Business Development Division Chief Elaine Ferolino.
Sa subong suno sa iya halos nakabase ukon manubo pa sa suggested retail price ang baligyaanay sang pipila ka mga produkto dire sa probinsya sang South Cotabato partikular na sa mga major trading center sa syudad sang Koronadal.
Samtang, ginkumpirmar man ni Maam Ferolino nga najustify naman sang lima ka mga establishemento nga ginpadal-an nila sang letter of inquiry kon ngaa naglampas sila sa suggested retail price sang ginabaligya nga mga basic kag prime commodities.
Base sa eksplinasyon sang mga nasambit nga mga establishemento mataas na ang presyo sang mga suppliers kag may ginpresentar man suno pa ang mga ini nga resibo.
