Ginhingadlan sang Bureau of Fire Protection (BFP) ang lima ka mga lugar sa syudad sang Bacolod nga prone sa sunog.
Suno kay Fire Chief Insp. Rodel Legaspi, city fire marshal, ini ang ginalakipan sang Magsungay kag Purok Sampaguita sa Barangay Singcang-Airport, Purok Kahirup B sa Barangay Mansilingan, Barangay 2 kag Barangay Banago.
Dugang pa ni Legaspi, congested ang nasambit nga mga lugar kag himo sa light materials ang kadam-an sa mga panimalay.
Base sa datos sang BFP, nagnubo sang 34.5% ang insidente sang sunog nakaligad nga 2020 nga yara sa 331 kon ikumparar sa 505 fire incidents sadtong 2019.
Gindeklarar ang bulan sang Marso bilang Fire Prevention Month sandig sa Presidential Proclamation No. 115-A bangud man sa pagdamo sang kaso sang sunog sa kada pag-umpisa sang dry season.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
