Ozamis City, Misamis Occidental—-Karong buntag ilubong na ang lima ka mga sakop sa pamilyang Parojinog nga nakabsan sa ilang mga kinabuhi human mahitabo ang madugoong ronda sa ilang panimalay dungan sa kapistahan sa San Roque, Lawis diin anaa nagpuyo ang mga Parojinog.
Sa Report nga nakuha sa RMN-DXPR Pagadian gikan kang Wendell Talibong sa DXDD Ozamis City, nga alas 9 karong buntag ipagawas na gikan sa Basketball Court ang patay’ng lawas nilang Mayor Reynaldo Parojinog Sr, asawang si Susan, anak nga si Mona, Boardmember Octavio ug Daryl Parojinog ang ilang katabang.
Gikan sa Basketball court sa San Roque Lawis,Ozamis City moagi sa Kota Shine padulong sa Cathedral og didto buhaton ang usa ka Misa nga dumalahan sab ni Retired Archbishop Jesus Dosado ug alas 1O:30 sa buntag ihatud dayon kini sa Malindang Cemetery sa Barangay Bagacay.
Gipanghimakak sab ang balita nga tanang mohatud sa lubong adunay madawat nga tag 1,500 pesos tungod usa lang kini ka propaganda og walay kamatooran samtang gitogotan sab ang mga empliyado sa gobyerno ug City hall nga makahatud sa patay’ng lawas sa mga Parojinog. Samtang dili sab makatambong ang mga anak nga silang Vice Mayor Nova Princess ug Reynaldo Jr. (Mel Coronel/ Kenneth Bustamante/ dxpr News team
