Patay ang lima ka miembro sang rebelde nga grupo sa engkwentro sa tunga nila sang military kag pulis sa Sitio Talingting, Brgy Luyang, Mabinay, Negros Oriental, las-12:45 kaina sang kaagahon, Hunyo18.
Sa interview sang DYHB kay Col. Noel Baluyan, commander sang 302nd Infantry Brigade, kapin sa 13 ka mga NPA members ang naengkwentro sang mga katapo sang 11th Infantry Battalion kag Regional Mobile Force Batallion Region 7. Suno sa army commander, nagpatigayon sang operasyon ang tropa sang gobyerno sa lugar matapos ang report sang mga sibilyan nga may presensiya sang rebelde nga grupo.
Naglawig sang 30 minutos ang engkwentro nga nagresulta sa pagkamatay sang mga rebelde kag pagka-rekober sang mga nanari-sari nga armas, bala kag pila ka kagamitan. Gindala na ang bangkay sang mga napatay sa banwa sang Mabinay para sa nagakaigo nga disposisyon.
Narekober sa encounter site ang 3 ka M16 rifles, isa ka AK47, isa ka caliber 45, tatlo ka magazines sang AK 47, apat ka rifle grenades, isa ka IED, 6 ka long kag 2 short magazines sang M16, isa ka magazine sang caliber 45, 239 ka bala sang M16, 167 ka bala sang AK47, 2 ka Baofeng Radios, 3 cellphones, 5 ka backpacks, 4 bandoliers kag personal nga kagamitan.
Dugang pa ni Baluyan, nagligad nga tuig, ginpatigayunan man sang 302nd IB sang community support program kag clearing operations ang Sitio Talingting, Brgy Luyang.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
