General Santos City—Ugdaw ang lima ka karenderya nga nahimutang sa Fernandez Street, Barangay Lagao, Gensan human kining nasunog.
Alas 2:00 ang takna kaganinang kabuntagon dihang nakadawat ug impormasyon ang Bureau of Fire Protection bahin sa sunog nga natigayon duol sa Dr. Jorge Royeca Hospital.
Gilayon man usab nga girespondihan sa mga kabomberohan ang lugar diin miluntad ug kapin usa ka oras ayha gideklarang fireout ang lugar.
Sumala ni Arson Investigator Macacuna Tumambiling, base sa ilang gihimong imbistigasyon, walay natalang samdan sa insidenti.Naggikan matud pa sa pwesto sa usa ka Jongjong Canedo ang miulbong kalayo.
Sa karon nagpadayon ang imbistigasyon sa BFP Gensan kalabutan sa insidenti ug ginasuta pa ang kinatibuk-ang damyos niini.
