Nasikop sa mga pulis sa Cogon Police Station ang lima ka miyembro sa Rivera Budol Budol Group kagahapon sa hapon.
Gipresenta karong hapon sa Cogon Police Station ang mga naaresto nga mao silang Romeo Rivera, 72 anyos, taga Butuan City ug nagsilbing lider sa grupo, Dexter Maglasang, 39 anyos nga taga Tagum, Davao del Norte, Mary Ann Torres, 48 anyos, Josie Barba, 62 anyos ug Gina Pardillo, 53 anyos nga puros mga taga Iligan City.
Nakuha gikan sa sakyanan sa mga suspects ang mga pekeng kwarta o budol money, granada ug armas.
Sa karon detinado na sa Maharlika Detention Cell ang mga suspects nga naga-atubang sa kasong illegal possession of firearms and explosive.
Nagpaabot usab ang mga pulis sa mga kanhi mga biktima human wala nipasaka og kaso ang senior citizen nga nabiktima sa grupo sa adlaw nga nasikop ang mga suspects.
