Patay ang tatlo ka mga lalaki sang nabungguan sang multicab samtang naga-istambay sa guwa sang isa ka batchoyan sa Purok Proper, Brgy. Caliban, Murcia, pasado las-8:00 kagab-i.
Sa impormasyon nga nakuha sang DYHB, tapos na kaon sang batchoy ang lima ka mga kalalakin-an nga sanday Mark Lawrence Guansing, 15-anyos; Justine Maderada,15; Shalmer Javier, 18; John Ryan Sales,16 kag Carlo James Lopez, 23, sang nagluntad ang aksidente.
Nahibaluan nga gikan sa Manapla ang drayber sang multicab nga si Emilio Salvador, 38-anyos kag nagdul-ong sang isda sa Brgy. Sta. Rosa kag pauli na ini sang iya nabungguan ang mga biktima.
Patay on-the-spot si Maderada samtang sa hospital naman ginbawian sang kabuhi sanday Guansing kag Javier. Samtang napilasan naman sanday Sales kag Lopez.
Si Salvador ang tumandok sang Poblacion, Leganes, Iloilo apang temporaryo nga nagapuyo sa Brgy. Punta Salong, Manapla.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
