Ginahulat man karon sang ciudad ang sabat sang National Inter Agency Task Force angut sa ginpadala nga sulat ni Mayor Evelio Bing Leonardia nga naga-apelar sang controlled nga kadamuon sang mga pasahero sa tion nga magbalik na ang commercial flights kag sea travels.
Hingyo ni Mayor Bing sa National Task Force (NTF) nga mag-pagwa sang guideline nga naga-limit sang mga flights kag byahe sang barko sang tubtub sa 600 gid lamang ka pasahero kada semana.
Ginpangabay man sang alkalde ang NTF nga maghatag sang instruction sa mga airline kag shipping companies nga mag-coordinate sa City Mayor’s Office para magkuha sang permiso, duha ka adlaw antes ang natalana nga flight ukon biyahe sang barko.
Suno kay Mayor Bing nga ini agud ila mahibaluan kon bala may available nga quarantine facilities para sa mga returnees kag agud maka-preparar para sa ila pag-abot.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
