Walay koneksiyon ang nahitabong linog sa Luzon ug Visayas kagahapong adlawa.
Kini ang gibutyag ni Marcial Labininay, ang Regional Director sa Philippine Institute of Volcanology and Seismology kon Phivolcs sa Malasag ning syudad.
Matud ni Labininay, kini tungod kay dunay kaugalingon nga earth quake generators ang mga area nga gitay-og.
Dugang pa ni Labininay nga aktibo karon ang mga earth quake generators busa panawagan sa Phivolcs sa publiko nga magmaigmat.
Samtang walay makatagna kung kanus-a moabot ang linog.
Matud ni Labininay nga ang Phivolcs dili sama sa Philippine Atmospheric Geophysical Astronomical Services Administration kon PAG-ASA nga makapagawas og tracking sa bagyo, busa angay lang nga maghimo og Disaster preparedness seminar ang Local Government Unit aron nga mahibaw-an ang hazard sa ilang mga areas.
