Zamboanga del Sur – Padayon nga ipatuman sa Zamboanga del Sur ang liquor ban sa tanang pampubliko nga lugar sa probinsya. Kini human nga miluwat og laing executive order si Zamboanga del Sur Governor Victor Yu nga maoy nagdili sa pagbaligya ug pag-inom og mga ilimnong makahubog sa tanan public places sa lalawigan.
Subay sa maong lakang padayon usab nga sirado ang mga Beerhouses, Nightclubs ug uban pang susama nga stablisyemento. Lakip wala tuguti nga moable ang mga sabungan. Samtang pabilin nga ipatuman ang 30 porsyento nga kapasidad sa relihiyoso nga tigom, business related gatherings, work-related gatherings ug community assembles apil usab nga 30 porsyento lang ang gitugutan sa mga moabling Beach ug resorts.
Hinoon 50 porsyento sa naandan nga kapasidad ang gitugutan sa mga hotel og kapareho nga negosyo lakip na ang mga kan-anan. Mag-atubang og tukmang legal action ang kinsang makalapas sa maong kamanduan.
