NEGROS OCCIDENTAL – Pagasala-on anay antes nga igapagwa ang litrato (picture) sang mga drug lord nga padayon naga-operate sa probinsya kag ciudad.
Ini ang ginpahayag ni Negros Occidental Provincial Police Office, NOCPPO director, P/Col. Romeo Baleras angut sa iya pahayag sang nagligad nga semana nga igapagwa sa publiko ang litrato sang mga drug lords nga damlag pa iya ginhingadlan.
Ginklaro ni Baleros nga indi madali-dali ang pag-release sang picture sang amo nga mga drug lords bangud nga ang iban sini sa ila ang wala pa sang warrant of arrest.
Suno sa iya ang may mga standing warrant of arrest nga mga drug lords lang amo ang igapalayag ang litrato sa publiko.
Sa pihak nga bahin, nagapawagan si Baleros sa mga pumuluyo sang Negros nga i-citizen arrest ang mga drug personalities nga may warrant of arrest kon diin ini siya ang magahatag man sang reward ( pabuya ).
