Nag-una sa talaan ang probinsya sa Surigao del Norte sa labing daghang positibong kaso sa COVID 19 dinhi sa rehiyon sa Caraga basi sa gipagawas nga datos gikan sa Department of Health (DOH), taliwala pa man sa estrikto nilang pagpatuman sa No Rapid Test result No Entry sa ilang lalawigan. Subay sa datos anaa sa 62 ang kompirmadong kaso sa COVID 19 sa Surigao del Norte ug gisundan sa dakbayan sa Butuan nga adunay 38, Agusan del Norte 36, Agusan del Sur 21, Surigao del Sur 14, Bislig city 8, Surigao city 8, Cabadbaran city 7, Bayugan city 3 ug Tandag city 1. Samtang ang Dinagat Island Province nagpabilin nga COVID free dinhi sa rehiyon. Madumduman nga sa niaging semana una’ng gipagawas sa DOH nga adunay duha ka mga lalawigan dinhi sa rehiyon sa Caraga ang nakaabot sa 100% nga pagtaas sa kaso sa COVID kung asa ang Surigao del Norte adunay 4,00% nga pagsaka samtang ang Agusan del Norte adunay 200% nga pagtaas usab sa kompirmadong kaso sa COVID 19. Hinoon adunay 90 ka mga pasyenti ang hingpit nang naka-recover sa maong virus. Local news: Pito ka mga laboratory facilities alang sa COVID 19 ang nakatakdang mag-operate dinhi sa rehiyon sa Caraga. Sigun ni DOH Caraga Asst. Regional Director Dr. Rodolfo Albornos nga kung hingpit nang magamit ang 7 ka mga laboratory facilities hayan mas mapadali ang pag-test sa mga pasyenti sa virus ug dili na magsalig kanunay sa Southern Philippines Medical Center (SPMC) sa Davao city. Ang gitumbok nga mga pasilidad mao ang sa Butuan Medical Center kung asa karong semanaha nakatakda kining inspeksyonon sa DOH ug Research Institute for Tropical Medicine (RITM), Caraga Regional Hospital sa Surigao city kung asa gilauman nga karong buwan sa Hulyo matapos ang konstruksyon, DO Plaza Memorial Medical Center kung asa karong buawana lauman nga sugdan ang pagtrabaho, Surigao del Norte Provincial Hospital, MJ Santos Hospital, Adela Siera Ty Memorial Hospital didto sa Tandag city ug ang dakbayan sa Bayugan. Kining tanan nga pasilidad ang andam tabangan sa DOH pinaagi sa pagmontar ug kaugalingong mga RT PCR Test facilities. Adunay 839 ka mga quarantine treatment facilities kung asa 346 ang nakatakda ang assessment sa DOH ug DILG, 493 ang na-assess na, 456 ang gikonsiderang quarantine facilities samtang 37 ang giilang certified monitoring facilities. (VC. DOH 1) Si DOH Caraga Asst. Regional Director Dr. Rodolfo Albornos sa interview sa RMN DXBC Butuan Sa karon gikalipay ni Dr. Albornos nga nagkadaghan ang natalang recoveries sa COVID 19 dinhi sa rehiyon sa Caraga.
