Nagpatigayon sang peace dialogue ang Joint Task Force Central kag 6th Infantry (KAMPILAN) Division sa katuyuan nga maresolber ang konflikto sa South Upi, Maguindanao.
Ginpatigayon ang aktibidad sa headquarters sang 57th Infantry (MASIKAP) Battalion sa Barangay Mirab, Upi, Maguindanao tinalikdan nga adlaw.
Ginpahayag ni Major General Juvymax R. Uy, Commander sang 6ID kag JTF Central nga ginpatigayon ang dayalogo matapos ang serye sang insidente sa nasambit nga banwa nga nagresulta sang pagsunog sang mga balay, pagbakwit sang ginatos nga mga pamilya, pag-ambush sa convoy ni Mayor Reynalbert Insular, kag harassment sang salakyan ni SB Member Basit Kamid.
Suno naman kay Lt. Col. Jonathan Pondanera, Commanding Officer sang 57th IB ang peace and security ang shared responsibility, agud nga masolusyunan ang konflikto.
Ginpresentar naman ni Lt. Col. Anhouvic Atilano, 6ID Spokesperson kag Commander sang 6th Civil Military Operations Battalion sa nasambit nga pagsinapol ang Conflict Resolution Strategy sang JTF Central para sa peaceful resolution sang konflikto kag ihatag ang kinahanglanon sang masobra 500 ka mga pamilya nga apektado sang conflict.
May-angot sini, gintukod ang Task Force Ketenanek ukon TF “Katahimikan Teduray dialect nga mangin dalan agud nga maisa ang mga tri-people sa South Upi , may matawhay nga komunidad paagi sa pagreconcile sang duha ka partido sa bulig sang local government unit, Provincial Government sang Maguindanao, kag BARMM government.
