Boluntaryo nga nagsurender ang anum pa ka mga miyembro sang BIFF- Karialan Faction sa Pagalungan, Cotabato.
Ginkilala lamang ang anum kanday alyas Alex, @Kaliya, @Bernie, @Nasser, @Abdul Adjes kag @Datu.
Suno sa mga ini nakapoy na sila sa pagpalagyo sa ginapatigayon nga military offensives.
Dala naman sang mga ini sa pagsurender ang 1 ka M16 Rifle, 2 ka M14 Rifles kag 3 ka RPGs nga may tatlo ka bala.
Ginpahayag ni BGen Roberto Capulong , 602nd Infantry Brigade Commander nga ang pagsurender sang anum ang mangin dalan man agud nga magsurender ang nabilin pa nga miyembro sang BIFF.
May-angot sini, makabaton naman sang ayuda ang anum ka mga nagsurender nga BIFF members paagi sa AGILA-HAVEN program sang LGU kag militar.
Facebook Comments
