Live From The Field

Nang apod-apod kagahapong adlawa ug kapin 400 ka food packs ang RMN FOUNDATION, INC. kauban ang mga sibyaanan sa RMN BUTUAN, RMN CAGAYAN DE ORO ig RMN Surigao sa mga bakwit C.V Diez Central School sa brgy Washington Surigao City.
Kini ang unang Oplan Tabang human sa bagyong Odette. Ang nasangpit nga mga relief goods gipang-apud-apod sa atong mga kaigsoonang informal settlers kung diin wala lang sila naigo sa bagyong odette kondili naigo usab sila sa landslide.
Mapasalamaton kaayo sila sa tabang nga gihatag kanila.
Kauban nga nanghatag sa mga relief goods ni kanhi RMN VP for Operation ug karun board of director Charly Canoy uban usab sa mga rmn station managers nga si sir Ramil Bangues sa Butuan, sir Rey Maraunay sa Cagayan de Oro ug Gay Tiu sa Surigao. Inubanan usab sa pwersa sa 4th CMO Batallion ug15th RCDG.
Mapasalamaton usab si Jolandy Dilvosa, ang school DRMM coordinator, ug magtutudlo usab sa nasangpit nga tunghaan nga midawat sa maong relief goods.
Sa pamahayag ni Corporate Social Responsibility Manager Rhoda Navarro gibutyag niini nga ang RMN Foundation andam kanunay sa pagtabang sa mga surigaonon ug mga katawhan nga naapektohan sa bisan unsa nga kalamidad. Kaabag niini ang Pfizer sa maong ayuda.
Labi na karun nga panahon nga ang surigao ug ubang dapit nga apektado sa bagyong Odette ang nanginahanglan ug tabang.
Facebook Comments