BACOLOD CITY-Isa naman ka ginapatihan “Crime of Passion” matapos nga isa ka live-in partner nga lalaki naga edad 47 ang nag patay paagi sa pag buno sa liog kag dughan sang iya partner nga babaye naga edad 41.
Natabo ang krimen kahapon sang aga kag nasapwan na gid lang pasado las otso sini nga aga Marso 26 sang bata sang babaye nga dugu-on may pilas paagi sa pag buno sa liog kag dughan kag wala na sang kabuhi ang iya iloy sa ila gina rentahan nga balay sa Purok San Roque, Barangay Tangub.
Suno sa panaysayon sang bata nga babayi sang biktima, antis pa man ang krimen iya na nakita nga permi ginasakit sang lalaki ang iya iloy kag gina pangimonan ini kag napasibangdan nga may lalaki.
Gilayon nag-padulong sa ila na renovate nga puloy-an ang lalaki sa purok paghidaet Phase 6, Brgy. Handumanan kag nag komiter man sang pag suicide paagi sa pagbitay gamit ang higot nga nylon nga gin tunaan man sang iya kamatayon sang ini ang masapwan kaina pasado las 6 sang aga.
Nahibaluan ang nasambit nga pag patay sa iya live-in partner paagi man sa gin bilin sang suicide note sang suspek nga nakit-an sang mga utod sini sa ila na renovate nga balay sa Brgy. Handumanan.
Ang biktima nga babayi ang isa ka internal security sang isa ka kumpaniya kag pumoluyo sang Barangay 1, banwa sang Isabela samtang ang lalaki ang isa ka collector sang isa ka baligyaan sang motor kag pumoluyo sang Barangay Villamonte ciudad sang Bacolod.
