Malaybalay City, Bukidnon – Nagmalamboon ang Livelihood Program sa mga Inmates sa Provincial Detention and Rehabilitation Center sa Probinsya sa Bukidnon.
Matud ni Nelson Amoy Balaba, Assistant Provincial Warden sa PDRC nga hugot ang ilang pagpatuman sa maong programa aron adunay panginabuhian ang mga Inmates. Ang Livelihood Program sa PDRC mao ang mga mosunod: Barbeshop, Parlor, Carpentry, T-shirt Printing ug Ornamental Plants nga mahimong mabaligya sa gawas sa Prisohan.
Ang Barbershop adunay upat (4) ka Barbero. Samtang ang Parlor nagatanyag sa mga mosunod: Hair Cut sa mga babae, Hair Rebound, Hair and Make-Up, Nail Polish, Hair Straightening ug uban pa. Ang maong parlor ginapangunahan sa mga miyembro sa Lesbian, Gay, Bisexual and Transgender (LGBT). Giklaro usab ni Mr. Balaba nga eksperto ang mga beautician sa maong parlor kay mao man kini ilang trabaho sa wala pa sila na priso.
Dugang niini, aduna usab Carpentry kung aha makita ang mga pulido ug nagkalain-laing gama sa mga panday, sculptor ug pintor nga mga Inmates sama sa mga handy craft, lamisita, katre, bangku, dining table nga mamahimo nilang mabaligya sa gawas sa Prisohan.
Aduna usab nagkalain-laing variety sa bulak nga mapalit sa pinaka ubos nga presyo. Samtang T-shirt printing usab ang gikabisihan sa ubang mga pintor sa pinaka-ubos gihapon nga presyo.
Kini nagpamatuod nga adunay kooperasyon ug pakighiusa ang tanang Inmates.
Gali masaksihan ang pagka desiplinado ug saktong relasyon tali sa kawani sa PDRC ug mga Inmates niini.
