Alicia, Zamboanga SibugayTulo ang patay diha-diha human naaksidente ang usa ka pampasaherong bus nga Lizamay Express nag tangag sa plaka numero JVC 315 kolor blue kinsa gimaneho ni Noriel Bucoy Andico, residente sa Brgy. Luboc lungsod sa Sirawai, ZDN, nahitabo kini didto sa dalang nasyunal Brgy. Lutiman, lungsod sa Alicia, niadtong adlwang Sabado sa may 7:10AM.
Ang mga pasaherong namatay mao sila si Gertrudes Baya, 73 anyos, taga Talusan, ZSP; Rina Mualam, 14, Studyante; Salma Mualam, 35, taga Olutanga, ZSP.
Samtang upat pud ang mga angol nga sila si Victor Antiampo; Medivina Antiampo; Karim Jarol; ug Sapiya Jarol.
Sa imbistigasyon sa kapulisan ang maong bus nagbyahe kini gikan sa Olutanga padaulong sa Zamboanga City sakay ang dili mo ubos sa 40 ka pasahero, samtang naglawig sa kadalanan mipalyar ang makina niini hinungdan nga nawad-an ug control ang driver ug maayong pagka hulog niini sa pangpang.
