Sa gitna ng coronavirus pandemic, aminado ang aktres na si LJ Reyes na nakararanas siya ng anxiety at insomnia dahil sa kasalukuyang krisis.
Ibinahagi ni LJ sa kanyang Instagram account ang hirap na pinagdaraanan dahil sa problemang kinakaharap ngayon ng bansa.
Kwento ng aktres, hindi raw siya nakakatulog ng maayos sa gabi.
“Honestly, since Summer was born, puyatan naman talaga. Pero napansin ko since 3 weeks ago, mas di ako makatulog talaga no matter how sleepy I am,” aniya.
Pakiramdam daw ng aktres, araw-araw ay pakikipaglaban dahil lagi raw niyang sinusubukang gawin ang lahat para lamang makatulog.
“Sabi sakin baka stress. At this difficult time, sabi nila normal. Akala ko di ako nastrestress sa mga nangyayari. But maybe subconsciously, I am feeling it,” saad ni LJ.
Binanggit din niya na ang pananalangin ang nagpapakalma sa kanya sa araw-araw.
Samantala, ipinagmalaki rin ng aktres ang kanyang asawang si Paolo Contis na nakakapagpagaan umano ng kanyang araw dahil sa mga jokes nito.
“Sa mga ganitong panahon, kasi worrier ako, narerealize ko bakit sya ang nasa tabi ko! #gratefulmondays,” giit pa niya.
