TACLOBAN CITY – Umabot ha sitwasyon nga ginsumat ni LMWD General Manager Pastor Homeres an gin-aaligar irregularidad ngan korapsyon dabi an usa nga myembro han board of directors nga hi Aldin Surpia.
Ha exclusive nga interview han RMN kan LMWD Gen. Manager Homeres, sumala ha iya, corrupted an ginhimo nga opisina han water district ha Mabini St. luyo han dako nga mall ha downtown, dabi daw hi Surpia.
Homeres: “I just give you an example, an project namon ha Mabini St… Ini nga project was facilitated through a contractor of director Aldin Surpia.”
Anchor: “Contractor ni Aldrin Surpia or hiya mismo an contractor?”
Homeres: “Under another lane of course.”
Anchor: “So may dummy?”
Homeres: “Baga sugad hito it nagawas.”
Natindog na an mao nga building ngan naging operational na ini.
Han pakianhi han RMN kun kay ano yana la ini iginsumat ni Homeres, siring niya, pinaagi han bug-os nga suporta han mga empleyado han LMWD, nagkamayada hiya kusog ha panhuna-huna nga ig-gawas ini.
Ha pressconference naman kakulop han kulop, bumaton han pakiana tikang RMN hi Aldin Surpia, iya gin-panhimuwa ini nga akusasyon.
“We categorically denied that baseless accusation, diri kami maaram ano nga dummy it iya sinisiring kay ngatanan hito nga projects inagi man ha iya being the General Manager.”
Posible nga magpasaka liwat hin bag-o nga kaso kontra kan Homeres hi Surpia ngan siring ni Homeres andam hiya atubangon ito nga mga kaso.
