Loan officer gintiro sang riding in tandem, kibyas sa ulo naangkon

39

Kibyas gid lamang ang igo sang isa ka biktima nga empleyado matapos nga ini ang gintiro sang riding-in-tandem pasado las 9 sini gid lamang nga aga sa area sang San Sebastian-Dona Juliana Streets, Brgy. 33, ciudad sang Bacolod.

Suno sa inisyal nga pagpangusisa sang Bacolod City Police Office, ang biktima taga banwa sang Murcia kag naga-obra bilang loan officer sang Dungganon Bank Inc. Brgy. 33, Bacolod City.


Pahayag sang pulis nga ang biktima ang nakasaka na kuntani sa iya opisina apang liwat ini nga nagpanaug bangud nga may nalimtan ini sa sulod sang iya awto.

Apang sang yara na sa idalum ini siya ang ginpalapitan sang duha ka suspek nga nakasakay sa motorsiklo kag hinali na lamang nga gintiro.

Ang biktima gindala sa bululngan matapos nag-angkon lang ini sang kibyas nga igo kag yara sa istable nga kondisyon.

[image: image.png]

Facebook Comments