Valencia City, Bukidnon – Gipahayag sa Philippine Institute of Volcanology and Seismology kon Phivolcs Region 10 nga mugna sa paglihok sa local fault line ang magnitude 5 sa Valencia City kaniadtong Sabado.
Sa interview sa RMN Malaybalay ngadto kang Phivolcs 10 Regional Director Marcial Labininay gibutyag niini nga wala sa listahan sa Phivolcs ang mao nga local fault line.
Katapusan matud pa kining milihok kaniadtong tuig 2011.
Matud niya nga kung aduna pay mahitabo nga laing paglihok, buhatan kini nila ug pangalan ug mamahimong bag-ong fault line sa Bukidnon.
Sa karon gipanid-an pa nila kung stable kini aron hingpit nga ma-apil sa ilang listahan.
Samtang subli usab nga nag-awhag ang regional director ngadto sa publiko sa Region 10 nga magpabiling magma-igmat apan magmakalmahon tungod sa sunod-sunod nga pagtay-o nga nasinatian sa rehiyon.
Tambag pa niini nga siguraduhong luwas ang tagsa-tagsa ka kaugalingon ug pamilya batok sa linog tungod kay ang nasud sa Pilipinas anaa man sa earthquake prone nga lugar.
