[image: IFM 919 Logo (1).jpg]
GENERAL SANTOS CITY – Presohan ang gihagsaan sa lolo human kining nadakpan sa follow up operation sa Pendatun Police Station tungod sa reklamong pagpanglugos og 8-anyos nga batang babaye.
Base sa report gikan sa presinto sa kapolisan, ang suspek nag edad og 67 anyos giila sa pangalang Eduardo Cabidog, residente sa Barangay Dadiangas South.
Positibong giila ang suspek sa biktima nga maoy nihilabot kaniya niaging adlaw takna alas-5 sa hapon samtang nagbaktas kini paingon sa kabuanan og tubig.
Gikalit og bira sa tiguwang ang biktima dayon gipaadto sa karaang balay og didto na gihalukan sa lolo ang iyang aping og ngabil.
Gipatalikod sa tiguwang ang biktima dayon gipasulod ang kinatawo niini ngadto sa sampot sa bata.
Adunay nakabisto sa gihimo sa suspek hinungdan naundang ang dautang laraw niini.
Niambak sa pader ang bata dayon nisumbong ngadto sa iyang mga kabanay.
Base sa imbestigasyon sa Women and Children Protection Desk sa presinto pasakaan og kasong lugos si Cabidog.
Positibong dunay laceration ang sampot sa bata base sa resulta sa medico legal.
