South Cotabato–Dungan sa padayong bahad sa ASF kon African Swine fever dili lang sa Region-12 kon dili sa tibuok nasud, nanawagan karon si Dr. Myrna Habacon, Regional Director sa National Meat Inspection Service ngadto sa mga LGU’s nga magmugna ug local Meat Inspection Service.
Tumong niini aron nga mas mapakusgan pa ang sistema sa pag inspection sa mga karne sa ilang lokalidad.
Pinaagi matud pa niini mahimong luwas ang mga karne nga ginabaligya sa mga merkado ug mapugngan ang pagkatag sa mga balatian nga motakboy sa mga kahayupan sama nalang sa ASF.
Gibutyag usab ni Dr. Myrna Habacon nga sa kasamtangan sa Region-12 ang Magpet, North Cotabato palang ang Apektado sa ASF.
Siya nanghinaot ng unta dili na kini mokatag pa sa ubang mga lugar Rehiyon.
Dungan niini siya nanawagan sa katawhan hilabi na ngadto sa mga mopalit ug Karneng Baboy nga didto mopalit sa mga lehitimong tindahan kung asa ang mga karne seguradong gipailawom sa inspeksyon.
