General Santos City–Gihatagan na ug direktiba ni Police Col. Aden Lagradante, City Director sa Gensan City Police Office ang mga Chief of Police nga tutukan ang mga nagakahitabong krimen sa ilahang mga Area of Responsibility.
Sumala kang Police Major Rexor Canoy, tigpamaba sa GSCPO nga subay sa datus sa mga hepe sa kapulisan, aduna nay lead sa ubang krimen sa ilahang mga AOR.
Gipaniguro niya nga ginahimo sa kapulisan ang tanan aron nga maresolba ang maong mga krimen ug mahatagan ug hustisya ang mga biktima.
Samtang gi-angkon ni Major Canoy nga makonsidera nilang hagit ang halos new normal sa Gensan apan panawagan niini sa publiko nga mag-kooperar saunsa mang programa sa gobyerno.
Kini gumikan kung sila lang sa kapulisan, dili gyud nila kayang bantayan ang tanan hilabina ang mga nagasupak sa ordinansang pagsul-ob sa facemask ingon man ang social distancing.(LVR)
