Human sa nahitabong pag busikod sa duha ka mga bomba sa Jolo Cathedral, Jolo Sulo alas 8:00 ang takna sa buntag kagahapong adlawa nga gikamatay sa 27 ka mga biktima ug gika-angol sa ubay-ubay sa 77 ka indibidwal gilayon nga gipahugtan sa 6th Infantry Division, Philippine Army ang ilahang siguridad
Sumala pa ni Brigadier General Cirilito Sobejana ang Division Commander sa 6 Infantry Division nga gilayon niining gimanduan ang tanang brigade ug battalion commander nga ilalom sa iyang pag umala nga gilayong imonitor sa ilang mga area ug ilatag gilayon ang hugot nga siguridad.
Tumong aron nga dili sila malutsan sa mga bandido hilabi na sa mga matao nga lugar sama sa simbahan, palengke ug mga shopping malls.
Lauman matud pa nga sa tanang lugar nga sakop sa 6th ID ang mamahimong hugot ug strikto nga ipatuman nga siguridad ug matag karon ug unya adunay ipahigayon nga mga check points.
Gipakusgan usab karon sa 6th ID ang ilahang intelligence monitoring ug sutaon ang tanan nga impormasyon nga nagasulod sa ilang buhatan nga gikan ngadto sa ilang mga impormante.
Gani nanawagan si Brig. Gen. Sobejana ngadto sa mga sibilyan nga makig-alayon sa ilang seguridad nga ginapatuman ug tabangan ang kasundalohan ug kapulisan sa pag bantay sa palibot aron masigurong luwas ang ilang mga lugar. (Dave Silagan)
