NEGROS OCCIDENTAL – Nagpatawag sang isa ka pagtililipon ang Task Force Kasanag sa pagpanguna sang founder sini nga si John Chiong angut sa ila ginatanyag sa rebelding hubon sang NPA para sa posible nga pagpatigayon sang isa ka local peace talk.
Suno kay Chiong nga bilang protector sang kalinong kag katawhayan, hingyuon nila ang magtimbang nga bahin sang New People’s Army kag sang Philippine Army nga kon mahimo ipaiway anay ang maduguon nga mga enkwentro kag pagpatyanay.
Ini agud suno sa iya nga mahatagan sang kahigayunan ang isa ka peace talks bisan pa nga may mandu na si Pang. Rodrigo Duterte nga untatan na ang paghinambalanay sa tunga sang gobierno kag sang rebelde.
Ginpaathag sang Task Force Kasanag nga isa sila ka civilian group nga may kaugalingon nga panindugan agud mapangapinan ang interes sang kadam-an kag indi sila sakup sang direktiba sang president bangud local level lamang ang ila ginatanyag./dyHB BACOLOD
Sent from my iPhone
