Davao City – Dili magsilbi ang localized peacetalk sa pagsulbad sa insurhensiya tungod ang rason sa pakigbisog mao man ang idolohiya nga gibitbit sa mga tawo nga nakigbatok sa kagamhanan sa Pilipinas.
Gibutyag ni DILG 11 Regional Director Alex Roldan nga dili kaya sulbaron sa regionalized peace talk ang lima na ka dekadang rebelyon sa teroristang CPP-NPA-NDF.
Walay problema alang kang Roldan kun itugyan sa local level ang pagtuki sa hinabing pangkalinaw nga pangunahan sa mga opisyales sa lungsod o kasiyudaran uban sa teroristang CPP-NPA-NDF.
Apan ang nagbalot nga hinungdan sa insurhensiya dili kumplikto sa lokalidad apan sa nasudnon nga hisgutanan busa angay lamang tukion ang peace talk sa national level ug dili sa local level.
Ug kun duna may ma-address sa localized peace talk mao lang ang ginagmay nga bangi diin local level walay katakos sa pagtubag ang gobyerno ug CPP-NPA-NDF.
Ang bugtong mahimo lang sa local level mao ang paglusad og public consultation ug pagbuhat og kaayohan sa katawhan buwahan dili maingganyo ang publiko sa pagkuyog sa mga terorista.
Dugang pa sa opisyal nga mas maayo hingusgan pag-usab ang peace talk tali sa gobyerno ug sa CPP-NPA-NDF ug dili pagpursige sa pakigsabot sa hinabing kalinaw sa local level.
RadyoMaN Joel Viray
