Davao City – Malaumon ang City Government sa syudad sa Davao nga sa dili pa mag-Pasko o una pa man manamilit ang tuig 2017, mabuksan na nato ang ganghaan sa hisgotanang pangkalinaw pinaagi sa konseptong ‘localized peacetalks’ kuyog sa New Peoples Army (NPA) denheng dapita.
Sa pakighinabi kaniya sa luncheon program ‘Kolokabildo Sa Radyo’ uban ni Radyoman Joel Viray, gibutyag ni Atty. Raul Nadela sa ngalan ni Mayor Inday Sara Duterte-Carpio nga gani magsugod na ang labing unang panagtagbo sa bag-o lang namontar nga Davao City Peace Committee karong October 24.
Dugang ni Nadela nga nag-inusarang tinguha sa lokal nga administrasyon nga pangitaan ug malahutayon ingon man malungtarong estabilidad denhe sa atong dakbayan pinaagi sa lokal nga panag-istoryahanay mientras suspindido pa ang national level peacetalks.
Ang bag-o ug espesyal nga pundok gimugna kini sa lokal nga ehekutibo ug pangulohan sa mga tinudlo kun mga appointees pagapangulohan ni retired Judge Ridgeway Tanjili isip chair niini ug mga kakauban nga manukad sa multisectoral sectors.
RadyoMan June Duterte
