Polanco, Zamboanga del Norte – PATAY ang usa ka “lola” human kini madasmagi ug motorsiklo mga 1:50 ang takna sa niaging hapon didto sa manuel quezon st. barangay poblacion north lungsod sa polanco, ning lalawigan sa zamboanga del norte.
Ang biktima giila nga si Agripina Maquiling Teves, 86 anyos, ug lumulupyo ra sa maong barangay.
Samtang ang nakadasmag kaniya mao motorsiklo nga may temporaryong plaka 090110 nga gimaneho si Andrew Daniel Padilla, 18 anyos angkas si George Ponce Daniel,14 anyos, nga polos taga barangay obay sakop sa susamang lungsod,.
Sa imbestigasyon nga gihimo ni PO1 Archival Pugoy sa Traffic divbision sa polonco municipal police station nagbutyag nga ang motorsiklo paingon na unta pauli sa barangay ubay sa dihang kalit lang nga mitabok ang biktima nga wa mabantaye sa driver.
Naigo ang biktima, nasarasay ug nabunal diha sa dalan, samtang ang drayber nga si Andrew, nawagtangan usab ug kontrol hangtud nga nalamba ug nabagnos usab sa dalan lakip na ang angkas nga 14 anyos.
Ang biktimang si Agripina, gidali pagdala sa Dipolog Medical Center, apan gideklarar ni Doctor Stephen Yap nga namatay .
Samtang ang drayber sa motorsiklo human madresingan giatubang gilayon ang kasong Reckless Imprudence Resulting to Homicide hinuon kagahapon temprayo kining nakagawas sa prisohan human naka-sitar ug piyasa balor 30mil kapesos alang sa temporaryong kagawasan.
