Nauli sa masubo ro masadya kunta nga date it daywang ka magnobyo matapos nga mabun-an do biktima nga eaeaki nga si Rogie Dela Cruz.
Natabo ro insidente mga alas-11 kabii sa sangka burger store sa Roxas Avenue sa daya nga banwa matapos nga paeapitan do magkarelasyon it 6 ka mga eaeaki nga gina sugid puro menor de edad ag sambilog nga 20-anyos.
Base sa report it Kalibo PNP, sambilog sa mga suspek do naghambae sa biktima nga matsa kilaea ko ikaw ag insigida nga binuno ko 15-anyos nga suspek.
Eagi man nga tumakas do mga suspek pero nagkaeadakpan man sanda kainang alas-8 it agahon matapos do ging patigayon nga operasyon it mga kapulisan.
Una eon makaron sa taeatapan it Kalibo PNP Station do 6 ka mga gina alegar nga suspek samtang padayon nga naga pamayad sa sangka hospital do biktima.
