BACOLOD CITY – Ginabulubanta nga nagdangat sa kapin P200 mil pesos ang kahalitan sang sunog nga naghalit sa 19 ka mga puluy-an kag pagpa-paso sang isa ka biktima kahapon sang aga sa Marapara Zone 2, Brgy. Bata.
Sa sunog nga natabo pasado las 10 kahapon sang aga, 15 ka balay ang totally burned samtang 4 naman ang partially gutted by fire.
Ang totally damaged nga mga balay ang ginapanag-iyahan sang mga masunod: Carmelita Tornos, Andy Palermo, Ramel Homeo, Alberto Encarnacion, Erlinda Layague, Modesto Bautista, Reynaldo Ague, John Bargamento, Gary Bargamento, Vicente Bargamento, Flora Godinez, Romeo Booc, Henry Cañeso, Catherine Robles kag Irene Ganoso. Samtang ang apat naman ka mga puluy-an nga partially damaged ang ginapanag-iyahan nanday: Ana Nel Roca, Homer Magua, Mercy Esporas kag Rezel Esporas.
Samtang, ginkilala naman ang biktima nga napaso nga amo si Carmelita Palmeros, 52 anyos, residente sang amo nga lugar.
Ini siya ang nag-angkon sang 2nd degree burns matapos nga nasunog man ang na-ibabaw nga bahin sang iya balay.
Suno sa biktima nga samtang nagaluntad ang sunog, nagtuyo pa ini nga magsaka sa ibabaw rason ngaini ang nahulugan sang baga sa ulo gani napaso ang iya abaga kag kamot.
Una ini ginbulong pa sa Corazon Locsin Montelibano Memorial Regional Hospital apang nakaguwa na.
Photo courtesy of Chamber Volunteer Fire Brigade
