Patay ang biktima human kini gipusil sa wala mailang suspetsado, didto sa Sitio Upper Layasan, Bago, Sindangan, ZN.
Dali nga mi responde ang kapulisan sa Sindangan sa pagpangulo ni SPO4 Miguel Bermejo aron susihon ang maong panghitabo.
Didto naila ang biktima nga si Danny S. Sutabento, 55, residente sa Binuangan, Sindangan, ZN, sa nahimong pakigsusi sa kapulisan, nasayran nga bag-ong salta sa maong dapit ang biktima.
Matod pa samtang galingkod kini sa usa ka barong-barong nga balay sulod sa duha ka oras, ang kalit lang kini giduol sa wala mailang suspetsado ug milanit sa armas de fuego dayong pusil sa makadaghang higayon, hinungdan sa wala damhang kamatayon sa biktima.
Nakuha sa crime scene ang 9 ka mga basyo sa 9mm pistol, samtang ang kapulisan sa Sindangan padayon pa ang gihimong imbistigasyon aron sa posibleng pag ila sa suspetsado nga maoy nihimo sa salaod.- SM EDGAR DAGUMO
