Pampanga – Patay ang 79-anyos na lolo matapos pagbabarilin ng riding-in-tandem sa Barangay Arenas sa Arayat, Pampanga, Sabado ng umaga.
Sa imbestigasyon ng pulisya, nagpapagawa ng gulong ng kotse sa isang vulcanizing shop ang biktimang si Emiliano Canlas.
Nakaupo lang umano ang biktima nang lapitan ng salarin saka binaril sa ulo.
Ayon sa mga nakakita, nakatakip ng helmet ang ulo ng mga salarin at mabilis na umalis.
Inaalam pa rin ng mga pulis ang motibo sa pagpatay.
Facebook Comments
