Kahinumdoman ang controversial nga pagkamatay sa duha ka mga bata nga taga Barangay Pajac, Lapu Lapu City niadtong November 11, 2017. Nagduda ang ginikanan sa mga bata nga nabakunahan ni og pentavalent vaccine nga maoy hinungdan sa pagkamatay sa duha.
Pagtuo sa mga ginikanan nga expire o sobra sa dosage ang nahatag sa ilang mga anak. Apan lahi ang nakabutang sa death certificate sa mga bata nga nakalas maong wala mitoo ang taga City Health Office sa maong siyudad nga ang vaccine sa health center sa Barangay Pajac ang hinungdan sa ilang kamatayon.
Sa imbistigasyon nga gibuhat sa Department of Health o DOH nahibaw-an nga dili gyud pentavalent vaccine ang nadawat sa mga bata. Suma pa reports nga naa nay pre-existing illness ang mga bata nga maoy rason sa ilang kamatayon.
Apan karon lang adlawa, midangop ang apohan sa mga bata nga si Ariel Igoy sa opisina sa Comission on Human Rights o si CHR para mangayo og advice. Kay alang kaniya ug sa ilang pamilya, wa pa gihapon matagai og hustisya ang pagmatay sa iyang mga apo.
Sa inyong tan-aw mga idol, sakto ba kaha ang iyang pagpangayo og tambag sa CHR bisan nahibaw-an na sa imbistigasyon sa DOH nga dili ang bakuna maoy hinungdan sa pagkamatay sa duha niya ka apo? Unsa kaha’y imong tan-aw ani idol?
