Gikatingaya kuman sa pipila uno miabot an amu na dako na sawa sa isa ka lugar na ini pa gajud sa tunga nan syudad tupad sa isa isab ka iladong fastfood chain. Eksklusibo na nakuhaan nan hulagway nan RMN Surigao an nakit an na isa ka dako na sawa na tagtuhoang nagtago sa bodega nan isa ka ukay ukayan sa dayan San Nicolas Rizal, inin syudad. Sumaya pa sa tag ija nan ukay ukayan na si Rosita Daro, na kagaina kaadlawon sa may alas 3 an takna, naaktuhan gajud nija an pagkahuyog sa hayas ngadto sa bodega gikan sa kisame. Gibanabana na moabot sa tuyo ka dupa an gitas on sa amu na hayas.Sa kahadlok nan tag-ija ,ija tagsirad-an an bodega para di makagawas an nasangpit na sawa.Kagaina alas dose na sa odto nadakpan an amu na hayas sa tabang sa pipila ka driver sa multicab na nagboluntaryo na amoy mokuha,rason na nagkaguliyang isab an mga kustomer sa did on na ini gigawas sa amu na establisemento.Sa pagkakuman inin sawa tag turn-over na sa hingtungdan ahensya sa gobyerno.(RadyoMaN Jerson Fuentes)
