Gipanhingusgan kuman sa City Veterinary Office an pagpansikop sa mga latagaw na ido dinhi sa centro sa syudad nan Surigao para malikayan an daya na hulga ngadto sa publiko sa pagpamanga labina kon ini jauy mga rabbies. Sumaya pa sa mga personahi nan City Vet sa pagpanguyo ni Dr. Allan Quines na ila tagpanhingusgan ini sa tanan mga kabarangayan sakop sa syudad para isab mamahimong responsable an mga nagbuhi nan ido na ila ini amomahon pagdajaw sanan dili angayan na pasagdan o buhian gawas sa ila mga kaugalingan na tugkaran o panimayay para malikayan na ini makapaak labina kay kuman summer motaas sagad an kaso sa sa pagpamaak nan inin mga hayop labina kay init an panahon na makaapekto sa pamatasan nan mga hayop.An mga nasikop na ido kagaina buntag an jaun kuman taghipos sa may City Slaughter Compound sa brgy. Poctoy sanan pwede iclaim balik nan mga tag-ija.Kon dili isab ini makuha sa mga tag ija an ipasagop sa lain na mga responsabling moatiman nan ido.(RadyoMaN Jerson Fuentes)
