Moabot sa 30 ka sako sa bugas nan mga piniriso sa Surigao City Jail an tagdonar para sa mga biktima sa kusog na linog sa Cotabato sanan Davao City. Bana-bana kapin P31,000 an kantidad sa bugas gikan sa ila inadlaw-adlaw na rasyon sa pagkaon. An mga ini an tag-turn over ganina nan mga preso kaiban an kadagkuan sa BJMP sa pagpanguna ni City Warden Diovin Auza ngadto kan Commander Lawrence Roque nan Phil. Coastguard. May 5 ka trucks sa DSWD an mokari diri sa Surigao City Port silom adlawa na may daya na mga relief good sanan dad-on sa mga lugar na naapektuhan nan grabe sa makusog na linog dinhi sa Mindanao.(RadyoMaN Jojo ferol)
Facebook Comments
