BACOLOD CITY – Ginpatungan sang penalidad nga dismissal from service sang Office of the Ombudsman ang anay konsehal sang Bacolod City nga si Councilor Carlos Jose Lopez.
Ini ang base naman sa reklamo ni anay Bacolod City Mayor Monico Puentevella sadtong 2014 kag sa supplemental affidavit sang Ombudsman field investigation office sadtong Marso 2015.
Ang kaso nga grave misconduct ginfile kay Lopez bangud man sang ginpagwa niya sadto nga truck ban exemption sang ini ang konsehal pa sang Bacolod.
Sa desisyon, ang truck exemption ang official function sang Bacolod Traffic Authority Office (BTAO) kag indi kay Lopez, apang bangud nga indi na konsehal si Lopez, ang penalty ang iga-convert sa fine equivalent nga one year salary sang ini ang konsehal pa.
Angut sini, nag submit na si Lopez sang motion for reconsideration angut sa amo nga desisyon sang Ombudsman.
Suno kay Lopez kalakip sa iya ginbutang sa motion for reconsideration amo ang certificates of denials sang mga anay hepe sang BTAO.
Ginakabig ni Lopez nga fictitious and fabricated ang akusasyon batuk sa iya pinaagi sa mga false kag lying witnesses.
