Love triangle motibo sa pagpatay sang tatlo ka persona sa banwa sang Tupi.

Love triangle, isa sa ginalantaw nga motibo sa subong sa pagluthang patay sang tatlo ka mga persona alas 7:10 sang gab-i sang Enero 31 subong nga tuig sa panimalay sang Hegera family sa Purok Purok 11, Barangay Rubber, Tupi, South Cotabat.
Suno kay Police Senior Supt Joel Limson, Provincial Director sang South Cotabato, ini pa lang ang naggwa sa ginhimo suno pa nga imbestigasyon sang Tupi PNP kag ginahulat pa ang resulta sang iban pa nga imbestigasyon sa nasambit nga kaso.
Madumduman nga patay sa pagpangluthang sanday Ernemel Hegera Jancan, Sonny Cabuan Hegera kag Denver Hepe samtang ini ang nagaininom matapos kag yara sa apat ka mga suspek ang nagpangamot sa nasambit nga insidente sakay sa duha ka motorsiklo.
Samtang nagdugang naman sang pwersa ang South Cotabato PNP sang tig-isa ka team sa Polomolok kag Tupi para mas pabakudon pa ang seguridad sa mga nasambit nga banwa.