Sunod-sunod nga pagbusikad sa IED nahitabo sa Lanao del norte.

125

Kagahapon adlawa Pebrero 5, 2019 duha ka bomba ang mibusikad ang natala sa probinsya sa Lanao Del Norte usa ka adlaw sa dili pa ang eleksyon sa BOL sa mao nga probinsya.

Mga 4:35PM nahitabo ang unang pagbusikad atubangan mismo sa Petron Gas Station sa may Barangay Maranding sakop sa lungsod sa Lala, LDN, samtang ang ikaduha nga pagbusikad sa bomba nahitabo nga 4:50PM didto sa luyo nga bahin sa munisipyo sa lungsod sa Kauswagan.

Wala casualties nga gikataho human sa pag busikad sa maong duha ka bomba ug gituohang improvised explosive device (IED).

Samtang pagka 9:30PM kagabie lain na usab nga mibusikad didto sa SND, MSU High School gikumpirma usab kini nga usa ka Granada ang mibuto.

Matod pa ni Brig. Gen. Thomas Sedano, 2nd Mechanized Brigade Commander, sa pagkakaron padayon pa ang gihimong imbistigasyon sa PNP Explosive Ordnance Division aron masyran ang klase sa explosibo ug masayran kun si kinsa ang mga responsible sa maong pagpamomba,

Gibutyag usab ni Maj. Gen. Roseller Murillo, sa ist ID ug JTF Zampelan Commander. Nga kontrolado nila ug walay angay kahadalokan.

Gipaniguro usab sa tabak troopers ug kapulisan nga dali nila ma respondehan kun unsa man ang panghitabo atol sa BOL election karong adlawa.

Gibutyag sab ni Col.Alex Aduca, ang spokesperson sa Task Force Plebisito nga posibleng pagpanghadlok lang ang maong mga mibuto ug paghatag ug kaulaw sa mga security forces nga anaa karon sa lalawigan sa lanao del norte alang sa ipahigayong plebesito sa Bangsamoro Organic Law o BOL.

Karong adlawa walay signal sa cellphone didto sa Lanao del norte kini human misanong sa hangyo sa kapulisan ang taga Natioanal Telecommunication Commission kun NTC.

Facebook Comments