SUMMARY
Si Vanessa (di tinuod nga pangan) nasakitan sa iyang nahibaw-an nga ang iyang BFF (bestfriend ngta lalaki) anaa na diay anak. Sa dihang mutug-an na unta kini sa iyang pagbati sa maong laki didto pud nangayo’g tambag iyang BFF niya. Gitago-tago rapud sa lalaki ang maong kasinatian nga naa kini 3-year old nga anak ug napamabdosan niya og balik ang babaye niadtong buwan sa Agosto.
Niaging tuig pa nga nagkasuod og maayo si Vanessa ug kining iyang BFF. Todo support pa gane siya sa maong lalaki kay galisud pud financially. Magpautang siya ug sa kadaghang higayon di na niya ni pabayran. Kasuway pud siya nga gihatagan niya kini og cellphone. Unya sa dihang na-disgrasya pud ang lalaki sa motor, si Vanessa maoy nitabang og bantay sa ospital.
Daghan na kaayo sila og kaagi isip managhegala. Apan sa pagkakaron nagduhaduha na siya nga ipadayon ilang friendship tungod kay nasakitan kini nga ang laki ganahan na makig-settle down sa babaye nga inahan sa iyang 3-year old nga anak ug napamabdosan niya og balik.
TAMBAG
Klase klase ang tambag sa mga idol nga misalmot karong adlawa, Oktubre 12, 2018, sa iFM COMFORT ROOM (1:00 – 3:00 PM). Apan kasagaran kanila miingon nga dapat dawaton ni Vanessa nga walay gusto niya ang iyang BFF. Dapat dawaton niya ang kamatuoran nga dili dapat sagulon ang pagpakighegala sa pagka-fall in love. Dagerous kaayo ni nga sitwasyon. Basin unya nga magpabuotan-buotan ka lang sa imong close friend tungod sa katuyoan nga na-ibog ka niya. Daghan pud ang nag-ingon nga mas maayo nga mupalayo nalang si Vanessa sa iyang BFF kung ugaling di siya sa kadawat sa sitwasyon. Magpakita lamang kini kung andam napud siya musuporta sa desisyon sa lalaki nga makigrelasyon sa iyang napamabdosan ug mubarug sa responsibilidad.
