Davao City – Modunggo sakay sa BRP Gabriela Silang sa Philippine Coast Guard ang 71 ka mga Locally Stranded Individuals (LSI) gikan Manila karong adlawa sa Sasa port, syudad sa Davao.
Sa interbyu sa RMN Davao kang PCG Coast Guard Davao Station Commander Gary Laynesa, 16 niini mga taga-Davao City samtang ang uban mga residente sa nagkadaiyang lugar sa Davao Region ug Bangsamoro Autonomous Region in Muslim Mindanao (BARMM).
“Nakipag-coordinate tayo sa DILG para i-contact ang mga LGU kung saan papunta po ang ating mga LSI para pagdating ng barko andyan na ang mga sundo nila pero iyong mga made-delay iyong sundo magti-take over po iyong ating DSWD para i-in-house muna sila doon sa mga hotel for the meantime na nag-aantay sila sa sundo nila,” segun ni Laynesa.
Sumala ni Laynesa, ipailawom sa health screening ang maong mga LSI ug laumang aduna pay mga mosunod nga mga biyahe sa barko pinaagi sa Hatid Probinsya Program.
Tambag niini sa mga LSI nga anaa sa Luzon area nga gustong mosakay sa barko nga i-comply una ang mga rekisitos sama sa travel authority, medical certificate ug uban pa una moadto sa Philippine Coast Guard National Headquarters.
RadyoMaN Aimee Guinita
