Indi dapat pag I-discriminate ang mga locally stranded individual nga nagapauli sa ila tagsa ka probinsya subong man ang mga tawo nga natapakitan sang coronavirus disease.
Ini ang mensahe nga luyag ipalab-ot sang isa ka LSI nga nakilala kay Ray Vincent Amador, 25 anyos, isa ka medical representative nga taga banwa sang Isabela kag nagpauli halin sa Manila.
Ginpahayag nga matapos nag-gwa ang negatibo nga resulta sang iya RT PCR test kag nakumpleto ang iya 14-day home quarantine, nagbutang ini sang tarpaulin sa gwa sang iya balay nga nagasiling nga negatibo ini sa COVID-19.
Suno kay Amador nga katuyuan sang iya pagbutang sang tarpaulin nga mapabalo sa pumuluyo nga negatibo siya agud nga indi ini ma discriminate sang iya mga kasimanwa.
Iya pa ginpahayag nga luyag niya ipa-itende sa mga tawo nga mas nagakinahanglan sila ang suporta kag pangamuyo sa kaangay nga sitwasyon imbes nga ini sila ang kaugtan.
Nahibaluan nga sang nagligad nga July 8, Miyerkules natapos ang quarantine ni Amador kag kadungan man ini sa iya nga kaadlawan (birthday).
[image: image.png]
