Sarangani Province–Gikabutyag ni Sarangani Governor Steve Chiongbian Solon nga padayon ang ilang pagpangdawat ug mga Locally Stranded Individual (LSI) ingon man mga Returning OFW (ROF) nga mo-uli sa Sarangani karong Holiday Season.
Ang kinahanglan lang buhaton sa mga LSI ug mga ROF, magpahibalo lang daan ngadto sa ilang Barangay ug Munisipyo ayha sila mouli sa ilang mga lugar aron nga kini mapangandaman. Giklaro ni Governor Solon nga dili makasulod sa probinsiya sa Sarangani ang mga LSI ug OFW kung walay abiso sa Barangay ug Munisipyo isip pamatuod nga sila residente gayud sa probinsya.
Kung aduna nay kumpirmasyon gikan sa Barangay ug Munisipyo walay mahimong problema sa mga LSI ug OFW gumikan sila tabangan sa LGU sa ilang pag-uli. Aminado ang opisyal nga lisod bantayan kadtong naga-agi sa kadagatan, ingon man kadtong mga gatago sa sakyanan ug kadtong nagalusot sa mga checkpoint nga mao karon ang ilang ginatutukan aron dili malutsan ug tawo nga dunay dalang virus nga covid 19 ang probinsya.(RV)
