Uyon ang pipila ka transport group sa gimando ni Pangulong Rodrigo Duterte nga crakdown sa mga colorum na bus nga ilegal nga nag-operate.
Kini human ang itom nga aksidente sa Occidental Mindoro nga gikamatay sa 19 katawo.
Una nang gipahayag ni Duterte nga iyang ipadakop ang tanang mga operator ug driver sa mga colorum na bus.
Kinumpirma usab sa Land Transportation Franchising and Regulatory Board (LTFRB) na nationwide ang kautusan ng pangulo.
Sa interview sa RMN Malaybalay ngadto kang LTFRB 10 Regional Director Aminoden Alan Guro gibutyag niini nga sa wala pa man ang mao nga kamanduan sa pangulo, daghan na sila’g nadakpan nga mga kolorum dinhi sa rehiyon.
Matud niya nga kabahin na kini sa ilang mandato nga dakpon ang mga kolorum nga mga sakyanan.
DUngan niini nagpahimangno kini sa publiko nga likayan ang pagsakay sa kolorum nga public utility vehicle kon PUV tungod kay walay insurance nga madawat kung ma-aksidente.
Samtang gikalabak-an usab sa STAREX Piston ang mao nga kamanduan ni Pangulong Duterte.
Sa interview sa RMN gibutyag ni Ringo Lago, ang regional coordinator sa STAREX PISTON 10 gibutyag niya nga ang mga kabus nga mga driver ang mas apektado niini.
Nagtoo usab siya nga kabahin na kini sa modernization program sa administrasyon.
Samtang dakong uyon usab ang National Confederation Transport-workers Union sa mao nga kamanduan ni Pangulong DUterte, sigun ni Joel Gabatan ang regional chairman sa NCTU 10 atol sa interview sa RMN nga angayan gayod nga dakpon ang mga kolorum tungod kay gisupak niini ang balaod ug peligro usab ang mga pasahero.
