Davao City – Padayon karong ginamonitor sa Land Transportation Franchising and Regulatory Board (LFTRB) ang pagpatuman sa ‘social distancing’ diha sa mga public utility jeepneys (PUJs) aron malikayan ang pagkatag sa Coronavirus Disease 2019 (COVID-19).
Sa interbyu sa DXDC RMN Davao kang Armand Dioso, Regional Director sa LTFRB-XI, gibutyag niini nga padayon nilang ginapahibalo labi na ang mga nagamaneho og PUJs labot sa ‘social distancing’ sa mga pasahero lakip na ang pagsul-ob og face mask aron ilaha kining ma-implementar.
“Naga monitor mi sa compliance sa social distancing, wearing of face mask ug information dissemination pud sa atong mga drivers,” saysay ni Dioso.
Saysay ni Dioso nga dakong tabang ang ayuda sa gobyerno sa apektadong PUJ drivers dinhi sa syudad pinaagi sa pag enroll kanila sa TUPAD kun Tulong Panghanapbuhay sa Ating Disadvantaged/Displaced Workers aron masolusyonan ang ilang pagkalugi sa kita.
“I-enroll sila sa TUPAD aron mahatagan sila og alibyo or allowance, subsidy pud sa government sa ilang lugi sa pagbiyahe,” saysay ni Dioso.
RadyoMaN Kirby Manzon
