Davao City – Wala nay gihatag nga lugway ang Land Transportation Franchising and Regulatory Board (LTFRB)-XI sa mga drivers sa pag-claim sa ilang Pantawid Pasada Program (PPP) cash cards diin karong adlawa, July 31, 2019 ang deadline niini.
Sa interbyu sa DXDC RMN Davao kang Atty. Armand B. Dioso, Regional Director sa LTFRB-XI gisaysay niini nga kung pakyas nila nga ma-claim ang ilang cash cards karong adlawa, dili na sila makabenispisyo sa maong programa.
“Kung dili sila maka-claim is that ma-forfeit na ang allocation sa ilang Pantawid Pasada Program kay wala nila na-claim. So, dili na sila ma-budgetan kay wala na-activate ilang cards,” saysay ni Dioso.
Gikumpirma ni Dioso nga as of July 30, 2019, 701 ka PPP cash cards ang wala na-claim sa ilang buhatan sa tibuok rehiyon onse.
Nasayran nga sa 2019, adunay P20,514 nga fuel subsidy nga budget ang matag PPP cash card matag unit.
RadyoMaN Kirby Manzon
