LTFRB XI, wa’y namonitor nga transport sector misalmot sa strike gahapon adlawa

Davao City – Gipamahayag sa Land Transportation and Franchising Regulatory Board Davao Region (LTFRB-XI) nga normal ug wa balda ang transportasyon sa siyudad sa Davao sa gilusad nga tigil-pasada sa Pinagkaisang Samahan ng mga Tsuper at Operators Nationwide (PISTON) sa kaulohan kagahapon adlawa.

Matod ni LTFRB XI Director Dondon Llanos nga wala sila’y namonitor nga sektor sa transportasyon sa dakbayan ang miapil sa transport strike nga gihimo sa PISTON didto sa kaulohan kagahapon adlawa.

Gikanayon niini nga ang pagsalmot sa tigil-pasada nga wa’y pupananghid sa buhatan sa LTFRB dakong kalapasan sa kontrata sa prankisa ug bayolasyon kini sa palisiya diin ang mga malapason niini puwede masilotan.

Sa pagpanubay sa news team kagahapon sa buntag sa Bankerohan, usa ka driver sa PUJ nga si Marvin kinsa sakop sa PISTON-Southern Mindanao nagbutyag nga gisuwayan sila og kumbinse sa ilang Bise Presidente nga dili una magbiyahe isip simpatiya sa tigil pasada sa ilang mga kaubanan sa luzon area.

Basi sab sa monitoring sa Davao City Police Office, negatibong naglusad og protesta ang PISTON Southern Mindanao sa Freedom Park kagahapon adlawa.

RadyoMaN Joel Viray